MAY NANALO NA! 😱 Nasungkit na ang jackpot prize para sa Super Lotto 6/58 na nagkakahalagang ₱63,013,007.40. Ayon sa Philippine Charity Sweepstakes Office (PCSO) batay sa 9:00 PM draw kagabi, November 27, isang masuwerteng mananaya ang nanalo. Ang winning numbers ay 05-42-40-03-25-35. Paalala ng PCSO, ang lotto ticket, ay may isang (1) taon na bisa kung manalo ka. Habang ang mga interesadong manlalaro na wala pang labingwalong (18) taong gulang ay hindi pinapayagan na maglaro ng alinman sa mga laro ng PCSO.

Ayon sa pinakahuling abiso na inilabas ng Civil Aeronautics Board (CAB), mananatili pa rin sa level 8 category ang fuel surcharge ng mga airline companies sa bansa sa susunod na buwan. Nasa P253 hanggang P738 pa rin ang fuel surcharge sa domestic flights, habang naglalaro naman sa P835 hanggang P6,208 ang international flights. Samantala, naghahanda na ang mga paliparan sa bansa dahil sa pagdami ng mga pasero ngayong holiday season.

Niyanig ng magnitude 5.2 na lindol ang Cortes, Surigao del Sur ngayong araw, Nobyembre 27, sa ganap na 12:43 p.m. ayon sa PHIVOLCS. Inaabisuhan ang lahat ng residente sa naturang lugar na mag-ingat sa posibleng aftershocks.

Umaasa si Pangulong Ferdinand R. Marcos Jr. na muling isasaalang-alang ng Court of Appeals (CA) ang paglalabas nito ng Temporary Restraining Order (TRO) na nagsususpinde sa pagpapatupad ng South Premier Power Corp. (SPPC) Power Supply Agreement (PSA) sa Manila Electric Co. Ayon sa punong ehekutibo, magdudulot ang naturang pangyayari ng pagtaas sa presyo ng kuryente na lubos makakaapekto sa mga ordinaryong Pilipino. “We hope that the CA will reconsider. And include in their deliberations the extremely deleterious effect this will have on power prices for ordinary Filipinos," saad ng Pangulo. “The implementation of the PSA between Meralco and San Miguel, it is unfortunate that this has happened, it will cause further dislocations and possible price increase for power,” dagdag nito. Una nang naglabas ang 14th Division ng Court of Appeals ng temporary restraining order na pabor sa South Premier Power Corp, isang subsidiary ng San Miguel, para suspendihin ang implementasyon ng PSA nito sa Meralco.

85% ng Pilipino ang sumangayon na nasa tamang direksyon ang Pilipinas sa pamumuno ni Pangulong Ferdinand R. Marcos Jr. batay sa isinagawang Tugon ng Masa survey ng OCTA Research Group. Sa 1,200 na respondente, 91% sa Visayas ang naniniwala na maganda ang magiging kinabukasan ng bansa sa ilalim ng Marcos Jr. administration. Nakakuha naman ng 70% sa Metro Manila, 87% sa bahagi ng Luzon na nasa labas ng Metro Manila, habang 84% naman mula sa Mindanao. Ang survey ay isinagawa simula Oktubre 23 hanggang 27.