Nananatiling mataas ang kumpiyansa ng mga Pilipino sa administrasyon ni Pangulong Ferdinand Marcos Jr. matapos makatanggap ng 59% na satisfaction rating sa 4th quarter survey ng Social Weather Stations (SWS).
Ito ay katumbas ng +36 satisfaction rating na classified bilang ‘good’.
Batay sa datos, 23% lamang ang ‘dissatisfied’ sa pamamahala ng kasalukuyang administrasyon habang 17% ang nananatiling neutral.
Kabilang sa mga serbisyo ng Marcos Jr. admin na nakatanggap ng ‘very good’ na satisfaction rating mula sa publiko ay ang mga sumusunod:
– Pagtulong sa mga biktima ng sakuna (+65)
– Pagpapaganda sa edukasyon ng mga kabataan (+60)
– Pagtulong sa mga mahihirap (57+)
– Paglikha ng mga trabaho (+51)
– Pagpapaunlad sa agham at teknolohiya (+51)
Samantala, nakakuha naman ng ‘good’ rating ang sumusunod na usapin:
– Pagpapatupad ng proyektong pabahay para sa mahihirap (+49)
– Pagtiyak sa food security (+46)
– Pagsasaayos ng pampublikong transportasyon (+45)
– Pagiging handa sa mga kalamidad (+44)
Isinagawa ang nasabing survey mula December 12-18, 2024 saklaw ang higit 2,000 respondente sa buong bansa.
