Asahan ng mga motorista ang malakihang taas-presyo sa mga produktong petrolyo simula sa susunod na linggo ayon sa Department of Energy (DOE).
Maglalaro mula P2-P2.30 kada litro ang dagdag-singil sa gasolina.
Nasa P2.35-P2.65 kada litro naman ang i-aangat sa presyo ng diesel habang P2.45-2.55 kada litro ang umento sa kerosene.
Ang taas-presyo ay resulta ng tumitinding bakbakan sa gitnang silangan kung saan nagpapatong ng ‘war premium’ ang mga oil trader sa presyo ng krudo sa world market ayon pa sa DOE. -VC
