Nakatakdang bumisita sa Pilipinas si Cambodian Prime Minister Samdech Moha Borvor Thipadei Hun Manet mula Pebrero 10 hanggang 11, ayon sa Malacañang.
Magkakaroon ng bilateral meeting sina Pangulong Ferdinand R. Marcos Jr. at PM Hun Manet bilang bahagi ng kauna-unahang official visit ng lider sa bansa.
Kabilang sa inaasahang tatakalayin ng dalawang opisyal ang paglaban sa transnational crimes, gayundin ang pagpapalakas sa kooperasyon pagdating sa depensa, kalakalan at turismo.
Batay sa pinakahuling datos, higit 7,000 mga Pilipino ang kasalukuyang naninirahan at nagtatrabaho sa Cambodia.
