sibleng patawan ng contempt order ang 11 social media personalities at vloggers, kabilang si dating Presidential Communications Office (PCO) Secretary Trixie Cruz-Angeles, sakaling hindi sumipot sa pagdinig ng House Tri-Committee hinggil sa disinformation at fake news online sa darating na Biyernes, Marso 21.
Kasama ni Angeles dito sina Aeron Peña, Allan Troy “Sass” Rogando Sasot, Elizabeth Joie Cruz, Dr. Ethel Pineda Garcia, Jeffrey Almendras Celiz, Krizette Laureta Chu, Lorraine Marie Tablang Badoy-Partosa, Mark Anthony Lopez, Mary Jean Quiambao Reyes at Richard Tesoro Mata.
Binigyang-diin ni Tri-Comm Chair Laguna Rep. Dan Fernandez ang kahalagahan ng pagdinig upang mapanagot ang mga indibidwal para sa pagpapakalat ng maling impormasyon sa social media.
“Disinformation is a national security issue. It erodes public trust, destabilizes institutions, and manipulates democratic discourse. We cannot allow social media to become a free-for-all platform for deception and propaganda,” saad ni Fernandez.
Matatandaan na nauna nang naglabas ng mga show cause order ang Committee on Public Order and Safety, Information and Communications Technology, at Committee on Public Information kung saan makailang ulit itong binaliwala kung kaya’t napilitan ang komite na padalhan na ang mga ito ng subpoena.
“Congress has the authority to summon individuals to testify on matters of public interest. Ignoring lawful orders is a direct challenge to our institution and the democratic principles we protect,” paliwanag pa niya.
Inaasahang maglalatag ang komite ng mga batayan para sa panukalang batas na layong labanan ang pagkalat ng disinformation sa bansa. – AL
