Pumalo sa kabuuang 944,503 pasahero na umuwi sa kani-kanilang probinsya ang dumagsa sa Parañaque Integrated Terminal Exchange (PITX) ngayong Undas Season mula Oktubre 28 hanggang Nobyembre 2.
Sa pagtatantya ng PITX, inaasahang aabot sa 130,000 hanggang 140,000 mga pasahero ang magtutungo sa terminal ngayong Linggo, Nobyembre 3, kasunod ng pagtatapos ng Undas.
As of 12:00 p.m. ngayong araw, nasa 60,571 pasahero na ang dumagsa sa PITX.
Bukas, Nobyembre 4, posibleng tumaas pa ito sa 160,000 hanggang 170,000 lalo na’t magsisiuwian na ang karamihan sa Kamaynilaan.
Sa isinagawang pagbabantay ng PITX, nasa 96 items na ipinagbabawal sa terminal ang nakumpiska sa mga biyahero kabilang ang butane, kutsilyo, itak, gunting, lighter, at pospro.
