Mariing tututukan ng Department of Migrant Workers (DMW) Secretary Hans Leo Cacdac ang imbestigasyon kaugnay sa nasawing Filipino nurse sa Abu Dhabi sa United Arab Emirates (UAE) nitong Oktubre 6.
Kinilala ang biktima na si Reyna Jane Ancheta, tatlong araw nawawala bago natagpuang wala nang buhay sa isang highway papunta sa Dubai dahil umano sa car accident.
Planong isama ng pamahalaan sa paglipad sa UAE ang asawa ng nurse upang personal na masaksihan ang gagawing imbestigasyon hanggang maiuwi ang labi ng kanyang misis sa bansa.
“Iyong kaniyang pagbalik ay nakadepende rin sa imbestigasyon, hindi natin mamadaliin sa ngayon,” saad ni Cacdac sa isang news forum ngayong Sabado, Oktubre 12.
“Kaya nga ang ating lunas ay dalhin na lang iyong husband doon para mismo niya masaksihan iyong proseso ng pagpapa-uwi at iyong imbestigasyon. So, willing naman tayo doon,” dagdag nito.
