Niyanig ng Magnitude 5.7 na lindol ang katubigang bahagi malapit sa Kalamansig, Sultan, Kudarat bandang 1:05 a.m. ngayong Miyerkules, Enero 28, ayon sa Philippine Institute of Volcanology and Seismology (PHIVOLCS).
Naramdaman ang instrumental intensity sa mga sumusunod na lugar sa Mindanao:
Intensity IV – Lebak, and Palimbang, SULTAN KUDARAT
Intensity III – Norala, SOUTH COTABATO; Esperanza, SULTAN KUDARAT
Intensity II – M’lang and Pikit, COTABATO; Maitum, Malungon, SARANGANI; Tantangan, City of Koronadal, Banga, Tupi, Surallah, Tampakan, and Santo Nino, SOUTH COTABATO; Isulan, Columbio, and Bagumbayan, SULTAN KUDARAT
Intensity I – Kadingilan, BUKIDNON; Maasim, Alabel, SARANGANI; CITY OF ZAMBOANGA
Sinundan ito ng Magnitude 5.1 na lindol bandang 3:54 ng madaling-araw, kung saan naramdaman din ang pagyanig sa mga sumusunod na lugar:
Intensity II -Surallah, Santo Nino, and Norala, SOUTH COTABATO; Esperanza, SULTAN KUDARAT
Intensity I – M’lang, COTABATO; Maitum, SARANGANI; Tantangan, Tupi, and City of Koronadal SOUTH COTABATO; Bagumbayan, and Isulan, SULTAN KUDARAT
Muli namang niyanig ng kaparehong lakas ang katubigang bahagi ng Kalamansig bandang 9:41 a.m., kung saan naitala ang instrumental Intensity IV sa bayan ng Lebak habang Intensity III naman sa Palimbang, Sultan Kudarat.
Matapos nito, apat pang may katamtamang lakas ng pagyanig ang naranasan sa naturang bayan mula 12:00 a.m. hanggang 9:54 a.m. ngayong Enero 28
Kabilang na rito ang Magnitude 4.4 ng 1:41 a.m. Magnitude 4.7 ng 1:43 a.m., Magnitude 4.3 ng 3:46 a.m., at Magnitude 4.6 ng 7:19 a.m.
Matatandaang nakapagtala rin kabuuang 694 na maliliit hanggang sa katamtamang pagyanig ang bayan ng Kalamansig batay sa pinakahuling tala ng PHIVOLCS noong Enero 22.
