Iniulat ng Philippine Atmospheric, Geophysical, and Astronomical Services Administration (PAGASA) na katamtaman hanggang mataas ang tsansa na may mabuong bagyo sa loob ng monitoring domain ng ahensya sa susunod na dalawang linggo.
Sa forecast summary ng PAGASA ngayong Miyerkules, Oktubre 16, mataas ang tsansa na may mabuong bagyo mula Oktubre 16-22.
Samantala, katamtaman naman ang tsansa na may mabuo ring bagyo pagsapit ng Oktubre 22-29.
Gayunpaman, patuloy na pinag-iingat ng ahensya ang publiko sa posibleng pagbabago sa lagay ng panahon.
