“Nais ko lang pasalamatan kayong lahat na nakisama sa amin dito ngayon sa Undas para sa pag-alala ng aking minamahal na ama,” mensahe ng pasasalamat ng Pangulo.
Binigyang-diin ng punong ehekutibo na naging makabuluhan ang kanilang paggunita sa Undas ngayong taon dahil sa nag-uumapaw na pagmamahal at pag-alala ng mga tao sa namayapang lider.
Nagdaos ng misa ang Pangulo kasama ang ina at dating Unang Ginang Imelda Marcos kung saan nakasama nila ang mga taga suporta.
Dito ay nangako ang lider na ipagpapatuloy ang nasimulang trabaho ng ama na bigyan ng maganda at magaan na buhay ang bawat Pilipino. -VC
