Pinag-iingat ng Philippine Space Agency (PhilSA) ang mga residente sa Panay, Island sa Catanduanes gayundin sa Santa Ana, Cagayan mula sa posibleng ‘unburned debris’ ng Long March rocket na inilunsad ng China ngayong Martes, Setyembre 3.
“While not projected to fall on land features or inhabited areas, falling debris poses danger and potential risk to ships, aircraft, fishing boats, and other vessels that will pass through the drop zone,” pahayag ng space agency.
Malaki rin ang posibilidad na magpalutang-lutang sa katubigang bahagi ng probinsya ang debris ng naturang rocket at anurin sa dalampasigan.
Mahigpit na pinapayuhan ang publiko na iwasang lumapit o hawakan ang makikitang ‘suspected debris’ dahil sa posibleng ‘toxic material’ nito. – VC
