Handa nang depensahan ng Pilipinas ang mga titulo nito bilang ‘Asia’s best’ matapos maging nominado sa pitong kategorya para sa ika-32 edisyon ng 2025 World Travel Awards.
Kabilang na rito ang Asia’s Leading Beach Destination, Asia’s Leading Dive Destination, at Asia’s Leading Island Destination.
Nakasama rin sa nominasyon ang ilang kilalang destinasyon sa bansa kabilang ang Boracay bilang Asia’s Leading Luxury Island Destination; Intramuros bilang Asia’s Leading Tourist Attraction; at Cebu bilang Asia’s Leading Wedding Destination.
Bukod dito, nakakuha rin ng nominasyon ang Department of Tourism (DOT) bilang Asia’s Leading Tourist Board.
Nagpaabot ng pasasalamat si DOT Secretary Christina Garcia-Frasco sa pagkilala sa Pilipinas na bunga aniya ng dedikasyon ng ahensya na ipagmalaki ang turismo ng bansa.
“They all reaffirm our steadfast commitment to carry out initiatives with sustainability and inclusivity in mind—efforts that have been made possible through the unwavering support of President Ferdinand R. Marcos, Jr. and his vision to establish the Philippines as a leading tourism powerhouse in Asia,” ani Frasco.
Nananawagan ngayon si Frasco sa publiko na suportahan at iboto ang Pilipinas sa online voting na bukas na sa publiko hanggang Agosto 31 gamit ang link na nasa ibaba:
Link: https://www.worldtravelawards.com/vote
-AL
