Kinilala ang multinational conglomerate na San Miguel Corporation (SMC) bilang isa sa World’s Best Employers ng Forbes 2024 magazine.
Sa pitong Filipino company na napabilang sa listahan, nanguna ang SMC na lumapag sa ika-89 pwesto mula sa 850 iba pang kumpanya na kinilala ng Forbes.
“For each job created within the San Miguel ecosystem, many additional jobs are generated through suppliers, distributors, retailers and other business partners. At present, we have more than 100 major facilities in the Asia-Pacific region,” saad ng multinational company.
Noong 2023, nakapagtala ng 53,184 direct workforce of employees ang SMC.
Kabilang din sa kinilala ng sikat na international magazine ang mga kumpanya ng Ayala Corp. (273rd), Metropolitan bank & trust Co. (415th), Land Bank of the Philippines (454th), Taipan Lucio Tan’s LT Group Inc. (694th), Century pacific Group of the Po family (701st) at Alliance Global Group Inc.
Samantala, nanguna naman sa buong mundo ang Microsoft na sinundan ng Alphabet at Samsung Electronics. – VC
