Naniniwala si Batangas 2nd District Rep. Gerville “Jinky Bitrics” Luistro na ‘imperative’ o mahalaga para sa gobyerno ng Pilipinas na muling sumali sa International Criminal Court (ICC) bilang huling pag-asa para sa sistema ng katarungan sa bansa.
Ang kanyang pahayag ay kasunod ng rekumendasyon ng European Union at ilang panawagan mula sa mga human rights advocate.
“The decision to depart from the Rome Statute in 2019 was a devastating decision,” pahayag ni Rep. Luistro patungkol sa desisyon ng nakaraang administrasyon na umalis sa samahan.
Binanggit ni Luistro na posibleng nagpadala ng maling mensahe ang pag-alis ng Pilipinas at nagpakita ng kahinaan ng mga demokratikong institusyon ng bansa.
“It sent the wrong message to the international community that we were unwilling to uphold the protection and promotion of human rights, which should be inherent to every individual, and displayed the fragility of our democratic institutions,” ani Rep. Luistro.
Dagdag ng mambabatas, ang muling pagsali sa ICC ay makakapagpatibay ng pangako ng bansa sa pagsunod sa mga internasyonal na pamantayan at pananagutan para sa mga malubhang krimen.
“Rejoining the ICC would reaffirm the country’s commitment to international norms and strengthen its legal framework in holding perpetrators of grave crimes accountable–that, regardless of their status, economic standing, or power, no one is above the law,” saad ni Rep. Luistro.
“There must be a court of last resort – which will complement domestic courts – that will investigate and, where warranted, try individuals charged with the gravest crimes of concern to the international community, namely: genocide; war crimes; crimes against humanity; and the crime of aggression,” dagdag niya. – VC
