Nananawagan ng tulong ang Philippine Animal Welfare Society (PAWS) sa publiko para sa atensyong medikal at gamutan ng mga hayop na na-rescue matapos abandonahin sa ni-raid na POGO hub sa Porac, Pampanga kamakailan.
Napag-alaman sa pagsusuri ng mga beterinaryo na karamihan sa mga nasagip na hayop tulad ng aso at pusa ang nakaranas ng mahabang panahon ng kapabayaan na nagdulot na ng sakit at malnutrisyon sa kanila.
Bukas ang digital wallet ng PAWS sa kanilang Facebook page sa mga nais maghandog ng tulong sa mga napabayaang alagang hayop. -VC
