WALA TALAGANG FOREVER!
Isang araw bago ang Araw ng mga Puso, lumabas sa pinakabagong survey ng Social Weather Stations (SWS) na 27% ng mga Pilipino ang nakasaksi o nakaranas ng iba’t ibang uri ng ‘cheating’ o panloloko sa relasyon.
11% sa mga ito ang nakaranas ng physical cheating o pagkakaroon ng intimate activity ng kanilang partner sa ibang tao, at emotional cheating o pag-rely emotionally sa iba.
Sinundan ito ng cybercheating o pagkakaroon ng ka-chat online (6%), object cheating (6%) o pagiging obsess sa isang bagay, at financial cheating o pagtatago ng utang o mamahaling binili (5%).
Sa kabila nito, 43% ng mga Pilipino ang naniniwalang maaari pa muling mabuo ang kanilang tiwala matapos makaranas ng panloloko, habang 36% naman ang nanindigang hindi na ito maibabalik.
Samantala, maswerte pa rin ang 72% ng mga Pilipino na nagsabing hindi pa sila nakakaranas ng kahit anong uri ng panloloko.
Isinagawa ang survey noong Nobyembre 24-30, 2025, saklaw ang 1,200 mga respondente na nasa edad 18 pataas mula sa iba’t ibang panig ng bansa.
