Ininspeksyon ng Department of Human Settlements and Development (DHSUD) at Pag-IBIG Fund ang natapos na house-and-lot units sa Tarlac nitong Miyerkules, Hulyo 8.
Bahagi ito ng Expanded Pambansang Pabahay para sa Pilipino Program (Expanded 4PH) ni Pangulong Ferdinand R. Marcos Jr. na binubuo ng mahigit 8,000 kabahayan mula sa Kaia Homes at Brentwood Residences, at naglalayong tulungan ang maraming pamilyang Pilipino na magkaroon ng sariling tahanan.
“The completed housing units we saw today in Tarlac, including homes ready for occupancy, show that the program is not just a promise on paper. These are actual homes being built and turned over to Filipino families,” ayon kay DHSUD Secretary Jose Ramon Aliling.
Kasama ng DHSUD Chief sa aktibidad si Pag-IBIG Fund Chief Executive Officer Marilene C. Acosta at ilang opisyal.
Sa Brentwood Residences, pinangunahan ng mga opisyal ang turnover activity para sa Pag-IBIG housing loan borrowers na bumili ng tahanan sa nasabing proyekto.
Binubuo ng Apec Homes ang Brentwood Residences na isang 7.4 na ektaryang residential project at nag-aalok ng 1,022 townhouse units sa halagang P850,000 hanggang P1.2 milyon.
Itinayo naman ng Citihomes Builder and Development Inc ang Kaia Homes na isang 47.8 na ektaryang proyekto na may 7,066 townhouse units at nagkakahalaga mula P999,000 hanggang P1.16 milyon.
Sa kabuuan, ang dalawang proyekto ay may kabuuang 8,088 housing units, kung saan ang kwalipikadong socialized housing unit sa dalawang development ay maaaring pondohan sa pamamagitan ng housing loan ng Pag-IBIG Fund na may subsidized 3% rate sa ilalim ng Expanded 4PH para sa abot-kayang buwanang pagbabayad.
Ipinangako ng DHSUD at Pag-IBIG Fund na ipagpapatuloy ang pag-iinspeksyon ng housing projects at pangunguna sa turnover activities sa iba pang mga probinsya, habang nagpapatuloy ang pagkakaloob ng tahanan sa mas maraming Pilipino sa pamamagitan ng Expanded 4PH ni Pangulong Marcos Jr.
“Secretary Aliling and DHSUD are making sure that more quality housing options reach Filipino families under the Expanded 4PH Program. Pag-IBIG Fund’s role is to help our qualified members afford these homes through low interest rates and manageable monthly payments that fit an ordinary worker’s budget,” saad ni Pag-IBIG CEO Acosta. – VC
