Inanunsyo ng Metropolitan Waterworks and Sewerage System (MWSS) ang taas-singil sa tubig ng water supply company na Manila Water simula Abril ngayong taon.
Kasunod ito ng inaprubahang Foreign Currency Deposit Adjustment (FCDA) o tariff adjustment ng kumpanya dahil sa ‘fluctuation’ sa foreign exchange rates.
Para sa ikalawang quarter ng 2025, tataas ng P0.04 kada cubic meter ang FCDA ng Manila Water.
Narito ang halaga ng dagdag-singil sa bawat buwanang konsumo:
– P0.21 sa kumukonsumo ng 10 cubic meters kada buwan.
– P0.45 sa kumukonsumo ng 20 cubic meters kada buwan.
– P0.90 sa kumukonsumo ng 30 cubic meters kada buwan.
Samantala, wala namang magiging pagbabago sa singil sa Maynilad customers. – VC
